新手媽媽分享經驗　餵人奶兩個月瘦9磅

自從上篇講過生完兩個月已經輕咗4kg（編按：約9磅），好多媽媽都inbox問點樣瘦到，所以今日一次過講下。當然，又係純粹個人分享，可能你的經歷未必與我相同。

1. 飲食

我就係咁的，keep things simple，肚餓就少食多餐，唔肚餓就一日三餐。有媽媽朋友每日計着自己的卡路里攝取量，我真心佩服，不過自問無恆心。

仲有，就係我通常會忍住唔食宵夜。夜晚餵完最後一餐，我通常會餓到可以食咗個宇宙。不過我認為人奶媽無特權，同常人一樣，為健康着想，唔應該食宵夜。

【延伸閱讀】孕婦清胎毒飲食宜忌 過早清胎毒易早產？

2. 飲水

曾經有媽媽分享要飲咁多水：

體重kg X 70ml = 要飲的水量

我就一日飲十X杯水的，清水，其他唔計。不過大家少飲甜野啦！

【延伸閱讀】分娩大作戰：我用17分鐘誕下BB

3. 自己湊B

香港的媽媽們好幸福，好多都有陪月姨姨又有姐姐幫手。如果你試下一日埋身無數次，做人奶放題，之後抱着BB氹佢訓，繼而泵奶洗泵再蒸泵，呢個時候通常BB 會醒，再換片，而你再發現佢爆poopoo 要換衫......一日不斷重複著以上動作，你就應該唔會有時間／有需要去諗或做運動都會瘦。

【延伸閱讀】BBC剖析真人個案 孕婦壓力大影響BB智商

4. 保持心境平靜開朗

我知，見到你隔離果位先生訓到豬咁好憫。我明，見到BB一放低就醒都係好憫。我真係知喎，三姑六婆話你唔夠奶真係人都癲......

不過，心情呢樣嘢，只有你自己幫到自己呀媽媽。心情唔好我會食多左野，又會事事不順......所以想人靚一定要心情靚！

【延伸閱讀】BBC拆解胎兒成長歷程 懷胎第15周定孩子性格

5. 束衣束褲

如果你覺得以上幾點好廢，咁呢點啱你。可以問番主診醫生，我就順產六星期開始着束衣束褲。我無特別再買，著番生B前的珍藏。我都算勤力，日日著束褲咁濟，第八星期已完全無肚腩了，平曬！

都係果句，健康係最重要，太瘦未必靚。當然，大家做咗媽咪都唔可以放棄自己嘅形象。大家一齊做個健康靚媽咁就最好不過！

【其他熱話】初七「人日」8個傳統習俗 老細不會教訓下屬

【其他熱話】哈佛學生教寫神級CV 蘋果高盛爭住請

【其他熱話】名校魔咒是小一「大抽獎」落空的致命點？

全文刊於港b港媽荷蘭爸爸Facebook，獲作者授權轉載。標題經TOPick修改，原題為「餵人奶收唔到身？」